Asambleja politike e PPE miraton rezolutën: Drejtuesit e opozitës të izoluar në prag të fushatës 22/11 15:03
Kryebashkiaku i Tiranës, Erion Veliaj në një lidhje live në edicionin e lajmeve në Top Channel u shpreh se kreu i PD-së, Sali Berisha dhe presidenti Ilir Meta nuk i kanë dhënë asgjë Tiranës dhe vendit këto 30 vite, edhe pse kanë qenë më shumë se të gjithë në poste drejtuese.
Spikerja: Ju keni thënë se do të kandidoni sërish në zgjedhjet e ardhshme si kryebashkiak i Tiranës, por po shtohen zërat se përballë jush do të jetë Ilir Meta. A keni një koment nëse kjo aprovohet të jetë e vërtetë?
“Ai nuk preferon beteja të vërteta, megjithatë nëse do të kishte burrërinë të futej në një betejë të vërtetë, do të kishte ballafaqim. Mund të përmendim betejën për shkollën ‘Sami Frashëri’, apo Astirin. Tirana tashmë është Kryeqyteti i Rinisë, sot priti kupën dhe tani finalen e UEfA-s. Pyetja për Saliun dhe Ilirin është çfarë bënë për Tiranën, çfarë do t’i ofrojnë Tiranës. Në 30 vitet e fundit kanë drejtuar më shumë këtë qytet dhe këtë shtet, shpresoj ta mbajë fjalën, duhet të kemi 10 shkolla që do të hapim, përfshirë edhe ‘Sami Frashërin’, sot është momenti për votuesit e Saliut dhe Ilir Metës të reflektojnë”, tha Veliaj.
Top Channel
