Përplasjet në protestën e opozitës, Meta: Dhunë kriminale e narkopolicisë ndaj drejtuesve të opozitës 23/12 21:09
Ish-kryeministri Sali Berisha ndodhet ditën e sotme pranë demokratëve në Berat, në kuadër të turit elektoral ku kandidon për kryetar të Partisë Demokratike.
Berisha u tha demokratëve të Beratit se Rama flet për kanabisin me një pasion më të madh se për produktet bazë ushqimore dhe e akuzoi atë që po e përdor Shqipërinë si plaçkë të tijën.
Ish lideri opozitar tha se vetëm PD-ja mund ta shpëtojë Shqipërinë dhe se ky është misioni më i madh i Partisë. Ai falenderoi gjitahshtu demokratët të cilët i kanë besuar dhe nuk janë dorëzuar kurrë.
“Kryeministri ynë flet për kanabisin me pasion më të madh se për grurin e për vajin. Opozita me pasivitetin por edhe me pazaret e saj nuk ngjallte shpresë kur ju vinit nga të gjitha zonat për të protestuar, ish kryetarit i binte telefoni ose merrte mesazhin dhe nuk guxonte të përmendte emrin e kundërshtarit para jush. Ne nuk qemë në lartësinë e idealëve tuaja por përsëri ju qëndruat, në 25 prill ishim 620 mijë shqiptarë dhe pas kësaj ish kryetari angazhoi për llogari të qeverisë, veprime anti kushtetuese në parti. Ju jeni idealistët që u ngritët sapo u dhanë shkëndijat e para dhe kapërcyet çdo pengesë e shantazh, vendosët që të qëndronit. Ne nuk u tërhoqëm, është revolucion lëvizja jonë dhe pa përmbushur misionin e madh nuk do të ndalet, misionarët nuk mposhten kurrë, ju qëndruat të pamposhtur derisa e ngritët në këmbë PD-në si një forcë të vërtetë opozitare. Ky nuk ishte qëllimi i vetëm, do të vazhdojmë betejën deri në shpëtimin e Shqipërisë. Dikujt mund ti duhet një fjalë jo kaq e përshtatshme me realitetin, por asnëj fjalë nuk i shkon për shtat realitetit sot më shumë se sa kjo. Ne po endemi sikur kemi humbur vendin tonë, ka 9 vite që kemi humbur. Ne jemi një komb me identitet perëndimor, por janë përpjekur me çdo kusht t’ja shkatërrojnë e t’ja shkelmojnë. Shpirti ynë është në Bruksel jo në Turqi. Rama sharlatan i papërgjegjshëm tha para një jave në Bruksel se po nuk u hapën negociatat do të ndryshoj drejtimin e Shqipërisë, sit ë ishte një send i tij.”- tha Berisha.
Top Channel
