Nga refuzimi i ftesës së Jill Biden te mungesa e saj në fushatë, pesë shenjat që tregojnë se Melania do të jetë një zonjë e parë “në hije” 15/11 14:58
Një ngjarje e rëndë ka ndodhur në Oregon të SHBA-së, ku një nënë qëlloi për vdekje dy fëmijët e saj të moshës 6 dhe 8 vjeç përpara se të vriste veten.
Sipas dokumenteve të Gjykatës gruaja ishte në gjyq me ish-burrin lidhur me kujdestarinë e fëmijëve të saj.
Ashley Palmer, 31 vjeç, kishte kërkuar në gjykatë të paktën dy herë në mënyrë urgjente kujdestarinë e plotë të fëmijëve, duke përmendur paqëndrueshmërinë e ish-partnerit të saj.
Ish-partneri, Jenavie Palmer kishte planifikuar të merrte fëmijët të martën, ditën kur u gjetën të vdekur, sipas medias së huaj.
Trupat e tyre u gjetën rreth orës 07:45 të mëngjesit kur oficerët dhe ekipi i krimeve të rënda mbërritën në apartament.
Pas hetimeve dhe autopsisë, policia konfirmoi se Ashley Palmer dhe fëmijët vdiqën nga plagët e shkaktuara nga një armë zjarri.
Fëmijët u identifikuan si Kayleana Beatrice Palmer, 6 vjeç dhe Xavier Rayvaughn Danger Palmer, 8 vjeç.
Bashkëshorti Jenavie Palme tha se ata ishin divorcuar në vitin 2020 dhe ishin në një mosmarrëveshje shumë të keqe për kujdestarinë.
“Ne ishim në mes të gjyqit dhe fëmijët po shkonin sa në një shtëpi te tjetra”, tha Jenavie Palmer, 34-vjeçari nga Portland.
Top Channel
