SHBA dhe Rusia përplasen edhe në hapësirë! Stacioni Ndërkombëtar Hapësinor përballet me një problem kritik të rrjedhjes së ajrit 15/11 17:13
Finlanda thotë se aplikimi për t’u bashkuar me NATO-n ka të bëjë vetëm me mbrojtjen. Por Vladimir Putin nuk e sheh kështu. Ai e ka parë gjithmonë zgjerimin lindor të NATO-s si një kërcënim.
Anëtarësimi i Finlandës dhe Suedisë në NATO, do të forcojë më shumë fuqinë e aleancës duke rritur kapacitetin e saj dhe praninë edhe në detin Baltik. Finlanda ndan një kufi prej 1,300 km (800 milje) me Rusinë, duke e sjellë fuqinë ushtarake të aleancës shumë më afër Moskës.
Kremlini ka kërcënuar me hakmarrje. Disa kanë frikë se mund të vendosë armë bërthamore të synuara.
Por diplomatët finlandezë besojnë se Rusia i ka plot duart e saj ushtarake në Ukrainë dhe se në vend të kësaj do të fokusohet në fushatat kibernetike dhe dezinformuese.
Ata thonë se presidenti Putin duhet të fajësojë veten që NATO po zgjerohet. Përpara se Rusia të pushtonte Ukrainën, shumica e finlandezëve dhe suedezëve preferonin të punonin së bashku, por jo brenda NATO-s. Agresioni rus, zelli i tij ekspansionist, e ndryshoi gjithçka.
Top Channel
