“Kriminele, vampire, e pangopur”, Berisha denoncon Vilma Nushin: Nuk paraqitet në Komisionin Hetimor, akt për revoltë kombëtare 14/11 20:14
Vetëm me votat e shumicës socialiste raundi i parë i votimit për zgjedhjen e presidentit të ri, u caktua të jetë 16 maj ndërkohë kandidaturat do të depozitohen më 15 maj. Tryeza e dialogut, në konferencën e kryetarëve në kryesinë e kuvendit për modalitetet e zgjedhjes së kreut të shtetit, nisën në një klimë të formë dyshimi dhe mosbesimi nga opozita.
“Ju e keni zgjedhur presidentin. Na doni ne si buzkuq për tja treguar Evropës.”
“Proces i çuditshëm. Procesi është në kokën e një individi që do të argëtohet. Kemi emra dinjitoz për presidentin. unë dua një president politik. Opozita duhet të japë një kandidaturë alternative. Duhet të na dëgjoni. Nëse nuk doni na e kurseni të gjithë këtë. Zgjidheni vetë.”
Shumica socialiste ritheksoi gatishmërinë për të dëgjuar me seriozitet propozimet e opozitës por jo duke e vënë me shpatulla pas muri drejt faktit të kryer.
“Ne nuk kemi vendosur asnjë kusht për opozitën. Mos të na vihen kushte kur thoni që propozimi të vij nga PS.”
” Kush ju tha ju ka vendosur kushte? Askush. Procesi të jetë I shtrirë në kohë për tu njohur nga shqiptarët.”
Në kushtet kur Enklejd Alibeaj merakun e ka tek transparenca e procesit, Grida Duma e rreshtuar në fraksion gri në PD as me Bashën dhe as me Berishën, ofroi një propozim konkret e sfidues për shumicën socialiste.
“Ne noterë dhe fasadë për tre raundet e para harrojeni. Jepjani propozimin e parë opozitës për të qenë fisnik politikisht.”
Me caktimin e datës për votimin e parë në kuvend saga e zgjedhjes së presidentit të ri, hynë në fazën më interesante, atë të emrave. Edi Rama thotë që ende nuk e ka një emër ndërkohë edhe opozita e Enkelejd Alibeajt nguron të propozojë emra konkretë.
Me sa duket palët janë duke pritur qetësisht njëra tjetrën se kush do ta propozojë i pari emrin e kandidatit ose kandidatëve për raundin e parë të votimit që kërkon 84 vota. Numërimi mbrapsht filloi.
Top Channel
