Vetëm gjatë vitit të fundit policia arrestoi në flagrancë në të gjithë vendin 3200 shoferë të dehur, ku vendin e parë me 34 për qind e zë kryeqyteti me qytetarë që u konstatuan të alkoolizuar në drejtimin e automjetit kryesisht gjatë fundjavave.
Të dhënat zyrtare të siguruara nga Top Channel tregojnë se për katër muaj e parë të këtij viti policia rrugore e kryeqytetit prangosi 240 shofere të alkoolizuar që përfunduan në gjykatë dhe më pas u liruan nën masën e detyrimit me paraqitje . Por kancelari i Gjykatës së Tiranës i thotë Top Channel se shkelja e rregullave të qarkullimit rrugor zë volumin më të madh të gjykimeve, krahasuar me krimet e tjera.
Këtë të hënë dolën para gjykatës tre shoferë të dehur të arrestuar ditën e shtunë.
Të tre ata u liruan sepse nuk kishte rrezikshmëri.
Katër të tjerë që u prangosën të dielën dalin të martën, mes tyre edhe Ajas Sulejmani. megjithëse Xhelili pranon trendin më të ri të të droguarve në timon, sipas tij shqetësues vijojnë të mbeten të alkoolizuarit.
“Ata nuk marrin taksi”, tha Donald Xhelili.
Koeficientin më të lartë për 100 mije banore të shoferëve të dehur në timon e shënon Lezha me 421 procedime, kurse me të ulëtin Përmeti .
Top Channel
