Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Presidenti Zelenskiy e ka krahasuar pushtimin e Putinit në Ukrainë me veprimet e nazistëve në Luftën e Dytë Botërore, teksa Ukraina shënon 8 majin Ditën e Kujtimit dhe Pajtimit.
Në një video mesazh ai pyet: “Kurrë më? Provoni t’i tregoni Ukrainës këtë” dhe bën krahasime midis betejës së Ukrainës kundër Rusisë me luftën e Luftës së Dytë Botërore kundër fashizmit.
“Dekada pas Luftës së Dytë Botërore, errësira u kthye në Ukrainë. Dhe u bë përsëri bardh e zi. Përsëri! E keqja është kthyer. Përsëri! Me uniformë të ndryshme, me slogane të ndryshme, por për të njëjtin qëllim. Në Ukrainë u organizua një rindërtim i përgjakshëm i nazizmit. Një përsëritje fanatike e këtij regjimi. Idetë, veprimet, fjalët dhe simbolet e tij. Një rekord i ri botëror për ksenofobinë, urrejtjen, racizmin dhe numrin e viktimave që mund të shkaktojnë”.
Presidenti Zelensky pritet të zhvillojë gjithashtu bisedime me liderët e G7-s – duke përfshirë Presidentin e SHBA Joe Biden dhe Boris Johnson të Mbretërisë së Bashkuar – përmes video-konferencës më vonë.
Ambasadorët nga vendet anëtare të BE-së do të takohen gjithashtu në Bruksel të dielën për të diskutuar raundin e tyre të gjashtë të sanksioneve ekonomike kundër Moskës.
Takimi i së dielës mbahet në ditën kur Europa tradicionalisht shënon fundin e Luftës së Dytë Botërore dhe çlirimin nga forcat naziste. Rusia shënon fundin e asaj lufte të hënën.
Top Channel
