“Duhet të luftojmë”, Zelensky tregon çfarë i duhet Ukrainës për t’u futur në NATO: Do anëtarësohemi shumë shpejtë 22/12 22:51
Reformat në Shqipëri, investimet në energjinë, integrimi dhe lufta në Ukrainë, ishin disa nga temat në fokus të takimit mes zyrtares së lartë të SHBA dhe kryeministrit Edi Rama.
Detaje të takimit Rama i zbardhi përmes një postimi në facebook, ndërsa ndau edhe foto të takimit me zyrtarët amerikanë.
“Diskutuam gjerësisht për ecurinë pozitive të reformave, forcimin e drejtësisë, investimet strategjike në energji, veton e Bullgarisë ndaj Maqedonisë së Veriut, situatën në rajon, si edhe për mbështetjen e plotë që Shtetet e Bashkuara i japin Ballkanit të Hapur.
Konsideratat e Ndihmës/Sekretares për rolin e Shqipërisë në Këshillin e Sigurimit dhe në rajonin tonë ishin mbresëlënëse. ” -shkruan Rama.
Ndihmës/Sekretarja Amerikane të Shtetit për Evropën dhe Euro-Azinë, Karen Donfried, shoqërohej në këtë takim nga i dërguari i SHBA për Ballkanin Perëndimor, Gabriel Escobar si edhe ambasadorja amerikane në Tiranë, Yuri Kim.
Top Channel
