Shokohet stafi i Trump, njëri prej emrave të rinj të zgjedhur nga presidenti akuzohet për sulm seksual 16/11 13:01
Stërmbesa e ish-udhëheqësit sovjetik, Nikita Hrushovit, ka paralajmëruar se Rusia mund të jetë e përgatitur të përdorë armë bërthamore në Ukrainë.
Nina Khrushcheva, një profesore e marrëdhënieve ndërkombëtare në SHBA, i tha BBC-së se ajo beson se presidenti rus Vladimir Putin do të bëjë gjithçka që duhet për të shpallur fitoren në luftë.
“Unë mendoj se kjo luftë është me të vërtetë ajo që Putini planifikon të fitojë dhe planifikon ta fitojë me çdo kusht. Nëse ai duhet të shpallë fitoren dhe ai mund të ketë nevojë të përdorë armë bërthamore taktike – nuk po e parashikoj këtë – ky mund të jetë një nga opsionet që rusët mund të jenë të përgatitur të përdorin, “tha ajo.
Armët bërthamore taktike janë më pak të fuqishme se raketat me rreze më të gjatë që u shfaqën gjatë epokës së Luftës së Ftohtë kur Nikita Hruschev udhëhoqi Bashkimin Sovjetik.
Por kritikja e Putinit ka frikë se Moska mund t’i përdorë ato për efekt shkatërrues në tokën ukrainase.
Në mars, ditë pasi Rusia pushtoi Ukrainën, Hrushcheva kishte thënë se ishte e turpëruar nga lufta dhe se stërgjyshi i saj do ta kishte konsideruar sulmin “të neveritshëm”.
Top Channel
