Agresioni rus, Erdogan takohet me shefin e NATO-s, diskutojnë fundin e luftës në Ukrainë 25/11 20:42
Koreja e Veriut thotë se ka testuar me sukses një armë të re, e cila sipas saj do të rrisë ndjeshëm aftësitë e tyre taktike bërthamore. Fotot e publikuar nga agjencia vendase e lajmeve, tregojnë liderin e vendit Kim Jong-un duke buzëqeshur dhe duartrokitur ndërsa shikon lëshimin e raketës së re.
Ekspertët besojnë se kjo është një shenjë se Koreja e Veriut po planifikon të testojë së shpejti një armë bërthamore kompakte apo ndryshe një armë bërthamore taktike.
Koreja e Veriut ndaloi testimin bërthamor në vitin 2017. Një vit më pas, ajo hodhi në erë tunelet në vendin e saj ku kryente testimet bërthamore, një lëvizje që u pa të ishte pjesë e një afrimi diplomatik me Korenë e Jugut dhe SHBA.
Por imazhet e fundit satelitore sugjerojnë se po punohet për restaurimin e tuneleve.
“Raketa e re ka një rëndësi të madhe në përmirësimin e fuqisë të armëve të artilerisë me rreze të gjatë dhe në rritjen e efikasitetit në funksionimin e armëve bërthamore taktike”, njoftoi agjencia zyrtare e lajmeve KCNA.
Ushtria e Koresë së Jugut konfirmoi se dy raketa me gjasë me rreze të shkurtër u lëshuan nga Veriu në det të shtunën në mbrëmje, Ekspertët thonë se koha e testimit mund të shihet si një protestë kundër stërvitjeve të përbashkëta ushtarake të SHBA-së dhe Koresë së Jugut, të cilat do të zhvillohen për nëntë ditë duke nisur nga e hëna.
Koha e testimit gjithashtu përkon me ngjarjet që festojnë përvjetorin e lindjes së themeluesit të Koresë së Veriut, Kim II-sung.
Top Channel
Agresioni rus, Erdogan takohet me shefin e NATO-s, diskutojnë fundin e luftës në Ukrainë 
