Rusia kryen sulm masiv në Odesa, mijëra ukrainas mbesin pa ngrohje 15/11 08:51
Një ish-xhihadist britanik është shpallur këtë të enjte fajtor nga gjykata amerikane për vrasjen e pengjeve në Siri.
33-vjeçari El Shafee Elsheikh akuzohej për rrëmbimin, torturimin dhe prerjen e kokës të disa pengjeve të Shtetit Islamik në Siri, përfshirë gazetarë dhe vullnetarë.
Pengjet e quajtën londinezin me origjinë sudaneze dhe tre burra të tjerë “Beatles” për shkak të theksit të tyre britanik.
Veprimet e grupit thuhet se kanë rezultuar në vdekjen e katër pengjeve amerikane: gazetarëve James Foley dhe Steven Sotloff, dhe punonjësve të ndihmës Kayla Mueller dhe Peter Kassig. Ata janë fajësuar gjithashtu për vdekjen e punonjësve britanikë të ndihmës David Haines dhe Alan Henning, dhe gazetarëve japonezë Haruna Yukaëa dhe Kenji Goto.
Disa prej viktimave iu pre koka dhe akti i rëndë u filmua për t’u publikuar më pas në rrjetet sociale.
Top Channel
