Lufta Izrael-Hezbollah, Banka Botërore: Libani ka pësuar dëme prej 8.5 miliardë dollarësh 14/11 20:57
Vladimir Putin u pa sot në një funeral në Moskë i rrethuar nga roje ushtarake që mbronin valixhen e tij të “kodeve sekrete bërthamore”.
Presidenti erdhi në Katedralen e Kishës së Krishtit në Moskë për të dhënë respektet e fundit të nationalistit të njohur rus Vladimir Zhirinovsky.
Putin, i veshur në të zeza, bëri kryqin para arkivolit të hapur të Zhirinovsky teksa ish-aleati i tij politik dërgohej për në banesën e fundit.
Prezenca e krerëve të lartë ushtarakë që mbanin aparatin e raketave strategjike të Kremlinit besohet se është një shenjë paralajmërimi për Perëndimin se dislokimi i armëve shkatërrimtare bërthamore është gjithmonë një opsion.
Zhirinovsky vdiq dy dite me pare per shkaqe natyrale, te palidhura me luften.
Spektri i luftës bërthamore është përmendur shpesh gjatë konfliktit vrasës në Ukrainë që kërcënon një krizë globale urie, përveç frikave të përdorimit të armëve bërthamore si një mjet i thyerjes së ngërçit.
Por britanikja ‘The Sun’ shkruante se presenca e rojeve të armatosura ruse mund të sinjalizojë se presidenti mund të jetë i shqetësuar për tentativa të mundshme atentati pasi thuajse të gjithë të ardurit në funeral ishin larguar jashtë kishës së Moskës.
Në kontrast me të, kur ish-presidenti Dmitry Medvedev bëri homazhet e tij në funeral, të gjithë të tjerët ishin prezentë dhe u lejuan të mblidheshin jashtë kishës.
Zhirinovsky vdiq disa javë pasi parashikoi pushtimin rus të Ukrainës.
Valixhja e Putin në foto besohet se është çelësi i lëshimit të raketave strategjike të Kremlinit pr preenca e saj në funeral është një faktor shtesë frike për rivalët e Rusisë.
Valixhja që në rusisht quhet ‘Cheget’, është krijuar në vitet 1980-të por besohet se vetëm sot është parë në publik.
Disa observues thonë se aspekti i saj më i cuditshëm është se butonat janë të bardhë e jo të kuq. Mjeti është prezantuar edhe në televizion nga rrjeti shtetëror Zvezda, në 2019.
Prezantuesi Alexei Yegorov shpjegonte: “Një nga komponentët e valixhes është karta e saj, si një prej celësave të hapjes”, por shtonte se nuk lejohej përhapja e informacioneve të tjera per aparatin.
Top Channel
