Situata në kaskadën e Drinit ka vijuar përmirësimin dhe të dhënat e fundit tregojnë se niveli i Fierzës ka shkuar në kuotën 269.78 metra.
Koorporata Elektroenergjetike Shqiptare bëri publike të dhënat këtë të premte ku niveli në liqenin e Hec Koman ishte 172.80 mmnd, dhe në Hec Vau Dejës 73.86 mmnd.
Nga ana tjetër prurjet në HEC Fierzë janë 400 m3/s, në HEC Koman 140 m3/s dhe HEC Vau i Dejës 10 m3/s.
Prodhimi ditor në kaskadë në të tre HEC-et është 5,469 MWh (ditor) duke përbërë rreth 1/4 e sasisë së konsumit në vend ndërkohë që rezerva energjetike është 490 GWh.
Përmirësimi i situatës në kaskadën e Drinit ka qenë i ndjeshëm ditëve të fundit falë kushteve favorizuese të motit duke rritur HEC-in kryesor, Fierzën nga kuota 258 metra që ishte në mars.
Pritshmëritë e KESH dhe të qeverisë janë që përmirësimi në kaskadë të vijojë edhe në vazhdim duke qenë se kushtet e motit pritet të jenë të favorshme.
Parashikimi paraprak i KESH është që Fierza të arrijë në 276 metra rreth datës 17 prill por kjo nuk është diçka e sigurt.
Në këtë nivel rezerva energjetike në kaskadë do të ishte rreth 650 GWh duke dhënë kështu një garanci më të madhe për të përballuar situatën e vështirë energjetike që shkon përtej kufijve të Shqipërisë.
Aktualisht KESH ka njoftuar se ka kontraktuar me kontratë deri në prill 1200M deri në korrik dhe po vijon depozitimin me KEK./ Monitor
Top Channel
