Putin i gatshëm për negociata, por me kushtet që janë hedhur poshtë nga Kievi dhe Perëndimi 19/12 16:53
Shtetet e Bashkuara të Amerikës i kanë siguruar 50 milion dollarë Moldavisë për të ndihmuar refugjatët ukrainas ku përfshihet mbështetja e programeve të trajnimit dhe përpjekjet për të luftuat trafikimin e qënieve njerëzore.
Misioni i SHBA tha se financimi do të ofrojë gjithashtu ndihmë për të përmirësuar përgjegjshmërinë dhe transparencën në sektorin e drejtësisë dhe për të luftuar korrupsionin dhe krimin kibernetik.
“Sot, munda të shihja drejtpërdrejt mënyrën se si qeveria juaj dhe populli moldav janë bashkuar për të përqafuar refugjatët ukrainas shumica prej tyre gra dhe fëmijë, të cilët janë detyruar të lënë pas gjithçka që kanë dhe njerëzit që duan të ikin në siguri. Ju i keni pritur krahëhapur. Dhe për këtë, mikpritja dhe bujaria juaj janë tashmë të njohura në mbarë botën. Unë dua që ju të dini se, në të gjitha përpjekjet tuaja, ju keni një partner të përkushtuar në Shtetet e Bashkuara. Ne e dimë se kjo ndihmë do të shkojë shumë larg në duart tuaja ”, tha ambasadorja e OKB-së Linda Thomas-Greenfield në një konferencë të përbashkët shtypi me kryeministrin moldav.
Financimi i SHBA-së do të mbështesë gjithashtu linjat kyçe të përpjekjeve të Konferencës së Mbështetjes së Moldavisë, që do të zhvillohet më 5 prill në Berlin, për të çuar përpara mbështetjen ndërkombëtare për axhendën e elasticitetit dhe reformës së Moldavisë.
Sipas misionit amerikan, më shumë se 178 milionë dollarë janë dhënë brenda Ukrainës dhe mbi 123 milionë dollarë u janë dhënë vendeve fqinje dhe BE-së për të mbështetur përpjekjet humanitare dhe mikpritjen e miliona refugjatëve.
Top Channel
