Konflikti i brendshëm në Partinë Demokratike rrezikon të kthejë gjykatën e Tiranës në një institucion ku nuk bëhet drejtësi, por politike.
Gjyqtari Agron Zhukri ka caktuar nesër datën e zhvillimit të procesit gjyqësor për ndryshimet statutore që Komisioni i Rithemelimit bëri në atë që njihet si Kuvendi i 11 dhjetorit.
Por burimet e Anila Hoxhës pranë gjykatës së apelit thonë se seanca gjyqësore e gjyqtarit Zhukri u caktua në një kohë kur kjo dosje dhe një kërkesë e Partisë Demokratike zyrtare ndodhet në Gjykatën e Apelit.
Pra praktikisht, sipas burimeve nesër gjykohet me shumë mundësi pa pasur asnjë dokument për të, pasi fashikulli ndodhet në Apel.
Burimet jo zyrtare i thanë gazetares Hoxha se ky do të ishte një rast i paprecedentë në historinë e drejtësisë, ku nis gjykimi për një çështje kur duhet të mbetej në pritje të asaj që do shpallë apeli.
Ndërkohë dosja e ndryshimeve statutore të PD ndodhet në Apel, pasi PD kundërshtoi vendimin e ndërmjetëm të gjyqtares përkatëse për të bashkuar në një çështje ndryshimet statutore të Kuvendit të 17 Korrikut dhe ndryshimet statutore të 11 Dhjetorit.
Këto të fundit i përkasin Komisionit të Rithemelimit, që ka shkarkuar çdo strukturë drejtuese të PD.
Top Channel
