Taksat mbi naftën/ Basha premton votën pro qeverisë për heqjen e tyre

Lulzim Basha: Eliminimin urgjent te taksës së shtuar Rama prej 240 lekësh për litër dhe konsiderimi ngrirjes apo eliminimit  apo reduktimit të taksave dhe akcizave të tjera për naftën është një emergjencë humanitare jo çështje politike. Çdo hap që hedhin në këtë drejtim ndihmon njerëzit. Dhe nëse e hedhin absolutisht që do të kenë mbështetjen tonë. Por nuk ka më kohë për justifikime.

Shqetësimit të qytetarëve për rritjen e çmimit ta naftës, iu bashkua edhe ish zëvendës-kryeministri socialist Erion Brace duke  kërkuar, reagim më të fortë nga instancat shtetërore duke e vendosur theksin tek Autoriteti Konkurrencës, me një bord shumë-partiak por që drejtohet nga një socialist.

Erion Brace: Të rritet çmimi nga darka në mëngjes me 400 lekë (40 leke) dhe Autoriteti Konkurrencës të rrijë të bëj sehir kjo është ca të them. Ju e dini qëndrimin tim për ndryshimet e bëra në Autoritetin e konkurrencës. E sidomos pas çështjes së famshme të çmimit të grurit dhe miellit për bukë. Me atë autoritet unë kam ndërprerë çdo lloj marrëdhënie e kështu publike. TEKST-I shquar si një politikan rebel e protestues kur gjërat nuk shkojnë mirë,  Erion Brace foli për nevojën e më shumë kujdesi,  nga qeveria për disa kategori të shoqërisë shqiptare.

Erion Brace: Jam një nga ata që jam kundër prekjes së taksave me presion në rrugë sepse politika fiskale nuk bëhet në rrugë. E mbi të gjitha transferimi përgjegjësisë sociale nga shteti tek tregtarët për me tepër që tregtarë që abuzojnë për mua është e papranueshme. Përgjegjësi sociale për shtresat në nevojë, për të varfrit për punëtorët për bujqit për shtresën e mesme pjesërisht duhet ta mbajë shteti. Nuk mund ta mbajnë tregtarët aq më tepër tregtarë që abuzojnë apo janë të integruar vertikalisht nga shumica deri te pakica.

Deputeti Brace, u distancua nga protesta qytetare. Kjo është arsyeja.

Erion Brace: Më vjen keq pash dje njerëz atje nga sëra jonë sëra e politikanëve që mbajnë përgjegjësi shumë të rëndë për atë që ka ndodhur në tregun e hidrokarbureve mbi të gjitha në industrinë e naftës për vite me radhë. Ka ty njerëz që kanë dhënë kontribut domethënës në grabitjen e vendburimeve më të naftës e gazit në këtë vend. Pash banditë rrugësh me Roleks nga 10 mijë euro në dorë e me xhupa nga 1.000 euro të ngrohtë e që dalin atje e thërrasin Shqipëri Etnike.

Një tjetër socialist i vjetër  si Fatmir Xhafaj,  iu bashkua shqetësimit për çmimit të karburanteve.

Sinkron-Fatmir Xhafaj-Po sigurisht që po. Ka ndonjë shqiptarë që nuk është i shqetësuar? Qeveria besoj se është duke e parë problemin dhe besoj që do të reagoj.

Pyetje-E keni ndjerë rritjen?

Fatmir Xhafaj: Më fal, kur thatë për qytetarët shqiptarë unë ku bëj pjesë nuk bëj pjesë ke qytetarët shqiptarë?

Top Channel