Rrugëtimi ynë vijon drejt Elbasanit. Fshati që jeni duke parë në këto pamje është Hajdaran.
Ambulanca e këtij fshati ka disa vite që ka jashtë funksionit. Ajo është lënë të degradohet plotësisht. Dikush i ka marrë dyert e dritaret, muret janë të prishur, brenda nuk gjendet asnjë pajisje.
Fshati i radhës ku u ndalëm është Dragostunja e rrethit të Librazhdit. Ambulanca e këtij fshati duket e rregullt. Por, ajo qëndron gjithë kohën e kyçur dhe banorët nuk mund të marrin shërbim. Investimi është bërë nga donator të huaj.
“Kujdesi parësor është më i dobëti në vend. Në disa zona kemi nisur që të investojmë në mure dhe në imazh po kemi një mungesë të theksuar të personelit shëndetësor” u shpreh Egla Bardhi, drejtuese “Together for Life”
Disa kilometra më larg ndodhet fshati Qukës. Në anë të rrugës gjendet qendra shëndetësore e këtij fshati, e cila ju shërben rreth 9000 banorëve. Jashtë kamerës drejtori i kësaj qendre pohon se ka nevojë për investime.
Top Channel
