Irani konfirmon se do t’i diskutojë çështjet bërthamore me tri shtete perëndimore/ Pritet të gjejë zgjidhje para rikthimit të Trump 24/11 15:21
Pentagoni thotë se tashmë pushtuesit rus janë 25 km larg nga qendra e Kievit dhe 10 km nga qytetet Kherson dhe Chernihiv .
Nga Brukseli, ku ka qenë duke u takuar me krerët e BE-së dhe NATO-s pas samitit urgjent, Sekretari i amerikan i Shtetit Antony Blinken bëri një analizë të zymtë të luftës.
“Stabiliteti në Evropë po varet në balancë dhe rendi ndërkombëtar i bazuar në rregulla po vihet në provë. Ka një numër gjithnjë e në rritje të vdekjeve të civilëve”.
Blinken tha se më e keqja me shumë mundësi nuk ka ardhur ende, ndërsa përsëriti qëndrimin e Perëndimit se nuk do të vendoset një zonë ndalim-fluturimi mbi Ukrainë, pasi kjo ka të ngjarë të çojë në luftë të plotë.
Ndërkohë një zyrtar i lartë i mbrojtjes amerikane tha se Rusia deri më tani ka lëshuar më shumë se 500 raketa dhe 92% e fuqisë luftarake është tani brenda Ukrainës
Në jug, nga ana tjetër po zhvillohen luftime të ashpra në qytetin e Kherson, i cili thuhet se ka rënë nën kontrollin rus .
Luftime ka edhe brenda Mykolaiv, në veri-lindje të Odessa, ndërsa për qytetin port të Mariupolit shba thotë se Moska ka ndërmend ta rrethojë nga veriu dhe nga bregu.
Top Channel
