“Metodat e luftës së Izraelit përkojnë me gjenocidin”, Komiteti i OKB-së hedh akuza: Po shkakton uri, vdekje dhe lëndime serioze 14/11 14:15
Bota është në ankth pasi Rusia nisi sulmin ndaj Ukrainës mëngjesin e kësaj të enjteje.
Edhe pse mund të duket e pabesueshme që ka një luftë në shekullin e XXI, është e vërtetë, ‘dita e zezë’ erdhi.
Më poshtë janë të pasqyruara momentet dramatike në Ukrainë përmes fotove. Qytetarë të gjakosur, ushtarë që qajnë, ukrainas që rregullojnë shtëpitë e tyre, zhvendosje masive të tyre për t’u shpëtuar sulmeve.
Fëmijët janë ata që po e përjetojnë më keq këtë situatë të rëndë, ndërsa prindërit po përpiqen t’i qetësojnë me çdo kusht.
Vendet evropiane dhe Shtetet e Bashkuara kanë filluar të vendosin sanksione në përgjigje të veprimeve të Rusisë. Një vorbull përpjekjesh diplomatike në javët e fundit deri më tani nuk ka arritur të qetësojë tensionet në rajon.
Rusia ka forcuar kontrollin e saj ushtarak rreth Ukrainës që nga viti i kaluar, duke grumbulluar dhjetëra mijëra ushtarë, si dhe pajisje e artileri, në pragun e vendit.
Përshkallëzimi në konfliktin shumëvjeçar ka shkaktuar krizën më të madhe të sigurisë në kontinentin evropian që nga Lufta e Ftohtë, duke ngritur spektrin e një përballjeje të rrezikshme midis fuqive perëndimore dhe Moskës.
Top Channel
