230 mijë të vdekur nga dallgët shkatërruese/ Përkujtohen sot viktimat e cunamit në Oqeanin Indian, fotot rrëqethëse 26/12 13:49
Një hartë e publikuar në rrjetet sociale thuhet se tregon boshtin e mundshëm të sulmit që presidenti Vladimir Putin mund të urdhërojë trupat e tij të marrin, pasi Rusia është e gatshme për një sulm pranë kufirit me Ukrainën.
Siç edhe vënë në pah mediat e huaja, përcjell Telegrafi, një hartë e shpërndarë në llogarinë zyrtare të Ministrisë Britanike të Mbrojtjes në Twitter tregon dy faza të mundshme – ‘lëvizja tokësore e fazës së parë’ dhe ‘lëvizja tokësore e fazës së dytë’ – të një pushtimi rus në Ukrainë.
“Përditësim i Inteligjencës: Rusia ruan një prani të konsiderueshme ushtarake që mund të kryejë një pushtim pa paralajmërim të mëtejshëm”, thuhet në postimin shoqërues në Twitter.
Sipas mediave të huaja, harta rrëqethëse tregon se sa reale është mundësia e pushtimit dhe vjen pasi Britania e Madhe dhe SHBA akuzuan sot Rusinë për rritjen e forcave të saj në kufirin ukrainas me deri në 7000 trupa.
Një gjë e tillë vjen përkundër pretendime të Kremlinit se ka filluar tërheqjen e disa ushtarëve nga ajo zonë.
Imazhet e reja satelitore zbuluan mbetjet e artilerisë ruse pranë kufirit me Ukrainën, duke sugjeruar se këto pretendime ishin vërtet të rreme.
Ndryshe, ndërsa disa imazhe kanë treguar se Rusia ka tërhequr disa pajisje ushtarake nga afër Ukrainës, ato duket se tregojnë gjithashtu pajisje të tjera që kanë mbërritur në zonë.
Kështu, Rusia ka ende shumë trupa dhe pajisje pranë ish-fqinjës së saj sovjetike, tha të enjten një kompani private amerikane.
Top Channel
