![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Këngëtari shqiptar Arjan Begaj është kapur nga policia greke me një sasi droge.
Sipas policisë greke, këngëtari i njohur shqiptar, u kap prej departamentit të anti drogës së Atikës, së bashku me një shtetas grek me sasinë prej 1 kg kanabis sativa si dhe 50 gramë kokainë.
Në cilësinë e provës materiale u sekuestruan edhe 9500 euro cash si dhe një pistoletë dhe 4 fishekë të kalibrit 6.3 mm.
Këngëtari i njohur shqiptar kishte leje qëndrimi në Greqi dhe u arrestua në zonën Artemidha të Atikës.
Në banesë iu gjetën 50 gramë kokainë dhe paratë, ndërsa kanabis iu gjet në kohën që u arrestua së bashku me shtetasin grek.
Hetimet vazhdohen prej anti drogës së Atikës, ndërsa dy të arrestuarit do të dërgohen në gjykatë për masë sigurie.
Top Channel