“Rrezikohet integriteti i zgjedhjeve në Gjermani se mungon koha?”, analiza e DW: Partitë e vogla pa burime për të krijuar shpejt listat e kandidatëve 15/11 07:20
Numri i infeksioneve ditore të koronavirusit në Poloni ka arritur një numër rekord prej 36,665 raste të regjistruara në 24 orët e fundit, njoftoi sot Ministria e Shëndetësisë.
Në të njëjtën periudhë, në Poloni u regjistruan 248 vdekje për shkak të Covid-19 një vend me një popullsi prej 38 milionë banorësh. Rreth 30 për qind e infeksioneve të reja ishin për shkak të variantit ngjitës Omicron, deklaroi zëvendësministri i Shëndetësisë, Waldemar Kraska për “Radio Plus”, duke shtuar se Omicron do të bëhej dominues brenda disa ditësh.
Javën e kaluar, dy të tretat e bordit këshillimor mjekësor të qeverisë polake dhanë dorëheqjen lidhur me trajtimin e krizës së koronavirusit. Trembëdhjetë nga 17 anëtarët u larguan nga paneli, duke thënë se qeveria nuk po ndiqte rekomandimet shkencore.
Qeveria nacionaliste-konservatore PiS është akuzuar prej kohësh nga opozita se ka shmangur vendosjen e kufizimeve të ashpra sociale në kurriz të shëndetit publik.
Kritikët thonë se qeveria po përpiqet të qetësojë kundërshtuesit e vaksinës kundër Covid-19 në radhët e saj.
Top Channel
