Tjetër masakër në Kinë/ Dështoi në provim, i riu vret 8 persona me thikë në një kolegj 16/11 18:17
SHBA ka njoftuar mbi 308 milionë dollarë ndihmë humanitare për popullin e Afganistanit.
“Kjo e sjellë ndihmën totale humanitare të SHBA-së në Afganistan dhe për refugjatët afganë në rajon në afër 782 milionë dollarë që nga tetori i vitit 2021 dhe ne mbetemi donatori i vetëm më i madh i ndihmës humanitare në Afganistan”, tha Emily Horne, zëdhënësja e Këshillit të Sigurisë Kombëtare.
Horne shtoi se Washingtoni po ashtu do t’i sigurojë Afganistan 1 milion doza të tjera të vaksinës kundër koronavirusit të ri (COVID-19) përmes instrumentit COVAX, duke e çuar totalin në 4.3 milionë doza.
“SHBA është e përkushtuar për të mbështetur popullin afgan dhe ne vazhdojmë të shqyrtojmë të gjitha opsionet që kemi në dispozicion. Ne qëndrojmë me popullin e Afganistanit”, tha ajo.
Sipas agjencive të ndihmës të OKB-së, gjendja e Afganistanit është një nga krizat humanitare në rritje më të shpejtë në botë.
Sot, OKB-ja dhe partnerët e saj nisën një apel financimi prej mbi 5 miliardë dollarësh për Afganistanin.
Në muajin gusht, talebanët morën kontrollin e Afganistanit në prag të tërheqjes së SHBA-së nga vendi. Ofensiva e tyre ushtarake e vitit 2020 pa rrëzimin e forcave qeveritare dhe largimin e zyrtarëve nga vendi me rreth 39 milionë.
Top Channel
