Pas masakrës së Magdeburgut, Greqia merr masa të veçanta për sigurinë në prag Krishtlindjesh 23/12 07:22
Vullkani më i lartë malor i arkipelagut Galapagos, ka shpërthyer duke lëshuar lumenj llave dhe një re gjigande hiri mbi Oqeanin Paqësor, konfirmoi Instituti Gjeofizik i Ekuadorit.
Reja e gazit dhe e hirit nga vullkani Vuk është ngritur në gati 3.800 metra mbi nivelin e detit pas shpërthimit që nisi në mesnatë, thanë burime nga ky institut.
Komiteti i Operacioneve të Emergjencës Ekuadoriane tha se shpërthimi i ri në ishullin Isabella, më i madhi në këtë arkipelag, nuk përbën rrezik për zonat rezidenciale. Megjithatë, ministria e mjedisit pohoi se tetë persona, duke përfshirë roje dhe shkencëtarë të parkut kombëtar, ishin evakuuar nga zona.
Këshilli i qeverisë ekuadoriane përgjegjës për Galapagos njoftoi se komiteti i urgjencës do të vazhdojë të monitorojë vullkanin për të parë se në cilin drejtim po rrjedh llava.
Top Channel
