Organizata “Human Rights Watch” akuzon Izraelin për krime lufte dhe spastrim etnik 15/11 07:08
Novak Djokovic është urdhëruar të izolohet në një qendër refugjatësh nga autoritetet australiane deri në vendimin e deportimit, pas konfliktit për refuzimin e vaksinës para kampionatit Australia Open, shkruan britanikja Daily Mail.
Park Hotel në Melbourne njihet ndryshe si “qendër alternative refugjatësh” nga autoritetet vendase dhe aty do të qëndrojë dhe tenisti nr. 1 në botë, pasi zyrtarët refuzuan dokumentacionin e përjashtimit nga vaksina për të marrë pjesë në turneun e tenisit që nis këtë muaj.
Hoteli në fjalë ka qenë fokusi i disa protestave për trajtimin e refugjatëve dhe masave të rënda të izolimit të virusit, ku janë raportuar raste të ushqimit të mbushur me krimba apo disa zjarre në impjantin e pamirëmbajtur.
Djokovic kishte kërkuar të vendosej në një apartament me qera pasi kishte gjetur parazitë në dhomën e tij, ndërsa disa nga sendet e tij personale janë ende në aeroport ku u ndalua fillimisht, raporton rrjeti vendas SportKlub dhe gazetari Sasa Osmo.
Hoteli përdoret si një pikë qeveritare izolimi që prej dhjetorit 2020, të cilin stafi dhe të ftuarit e kanë përshkruar si një ‘inkubator’ të Covid.
Djokovic ka shprehur pikëpamjet e tij anti-vaksina por kishte arritur të merrte një përjashtim disa kohë më parë, i cili rrjedhimisht u refuzua nga autoritetet australiane pas zhurmës që lajmi bëri në media.
Njerëzit që rezultojnë pozitivë në hotel, vendosen në katin e parë por kjo mudn të ndodhë disa ditë pas kryerjes së testit, thanë burimet për të përditshmen The Guardian.
Ministrii shëndetësisë i shtetit australian të Victoria, Martin Foley ka thënë se është i shqetësuar për situatën në hotel, ku banorët ankohen për ushqim të mykur e me krimba.
Dy ditë para Krishtlindjes dy zjarre shpërthyen në ndërtesë, fatmirësisht pa viktima.
Top Channel
