Agresioni rus, Zelensky takim me shefin e NATO-s, diskutojnë garancitë e sigurisë për Ukrainën 19/12 11:26
Flamuri i madh i Bashkimit Evropian, i cili u vendos në Harkun e Triumfit në Paris për të shënuar fillimin e presidencës franceze të bllokut, u hoq pas protestave të liderëve të partive të ekstremit të djathtë dhe të qendrës së djathtë.
Ministri i Çështjeve Evropiane, Clement Beaune, i cili tha në fund të javës se flamuri do të qëndrojë për disa ditë, tha sot se ai ishte hequr sipas planit.
“Flamuri pritet të hiqet sot, nuk e kemi përcaktuar afatin e saktë”, theksoi Bonn, sipas France24.
Ai hodhi poshtë idenë se administrata u dorëzua pasi kryetarja e partisë Aleanca Kombëtare, Marine Le Pen, njoftoi një apel në Këshillin e Shtetit me një kërkesë për heqjen e flamurit të BE-së.
Bonn theksoi se Le Pen dhe liderët e tjerë partiakë e keqkuptuan kur thanë se flamuri i BE-së zëvendësoi trengjyrëshin francez.
Marine Le Pen deklaroi sot se administrata u detyrua të hiqte flamurin e BE-së nga Harku i Triumfit dhe se ishte një fitore e mrekullueshme, patriotike në fillim të vitit 2022.
Zgjedhjet presidenciale në Francë mbahen në muajin prill dhe sipas rezultateve të fundit të sondazhit, Marine Le Pen do të jetë kundërshtarja kryesore e presidentit aktual, Emmanuel Macron.
Top Channel
