Përmbytjet vdekjeprurëse në Spanjë/ Si banorët e Valencias u bllokuan pa asnjë paralajmërim, fatkeqësia më e madhe natyrore në dekada 02/11 22:57
Zjarre që po përhapen me shpejtësi kanë shkaktuar vdekje dhe plagosje në shtetin Kolorado në zonat qendrore të thata të SHBA.
Rreth 30,000 njerëz janë urdhëruar të largohen nga banesat e tyre në qytetin e Louisville dhe Superior teksa guvernatori Jared Polis ka shpallur gjendjen e emergjencës.
“Zjarri nuk është çështje burimesh, është një forcë e natyrës”, tha guvernatori në një konferencë shtypi.
“Ne shpresojmë që erërat të bien së shpejti dhe moti të ndryshojë. Ndërsa për të prekurit u themi se nuk jeni vetëm”.
Erëra me shpejtësi deri në 169 km/orë kanë fryrë në rajon pas një periudhë të zgjatur thatësire.
Zjarre të mëparshme në Colorado kishin prekur zonat rurale, ndërsa këto të fundit janë vendosur në zonat nën-urbane të shtetit.
Disa prej zjarreve raportohet se kishin nisur pas rrëzimit të shtyllave elektrike nga erërat, dhe më pas u kthyen në zjarret më shkatërrimtare të viteve të fundit.
370 shtëpi janë djegur në qytetin Superior dhe 210 në Old Town tha sherifi i Boulder, Joe Pelle.
Një hotel dhe qendër tregtare gjithashtu u shkatërruan nga flakët.
Një punonjës ndihme ishte plagosur gjatë reagimit së bashku me disa qytetarë që po ndihmonin përpjekjet.
Top Channel
