Organizata “Human Rights Watch” akuzon Izraelin për krime lufte dhe spastrim etnik 15/11 07:08
Presidenti rus Vladimir Putin deklaronte se kishte në tryezë një sërë opsioknesh nëse Perëndimi dështon të përmbushë kërkesën e tij për garanci sigurie që pengojnë zgjerimin e NATO-s në Ukrainë.
Në fillim të këtij muaji, Moska paraqiti projekt-dokumentet e sigurisë duke kërkuar që aleanca t`i mohojë anëtarësimin e Ukrainës dhe vendeve të tjera ish-sovjetike dhe të anulojë dislokimet e saj ushtarake në Europën Qendrore dhe Lindore. Putin i ka kërkuar Perëndimit që të lëvizë shpejt për të përmbushur kërkesat, duke paralajmëruar se Moska do të duhet të marrë “masa ushtarako-teknike” nëse Perëndimi vazhdon kursin e tij “agresiv” “në pragun e shtëpisë sonë”.I pyetur se cila mund të jetë në mënyrë specifike përgjigja e Moskës, ai tha në komentet e transmetuara nga TV shtetëror rus të dielën se “mund të jetë e larmishme”, duke shtuar pa dyshim “do të varet nga propozimet që ekspertët tanë ushtarakë do të më paraqesin”.
Putin : Ne nuk kemi se ku të tërhiqemi. NATO-ja mund të zhvendosë në Ukrainë raketa që arrijnë në Moskë për 4 apo 5 minuta. Ata vetë na kanë shtyrë drejt një linje që s`e kalojmë dot. Na kanë çuar në pikën që ne të themi: Boll më!
Shtetet e Bashkuara dhe aleatët e tyre kanë refuzuar deri tani t’ia ofrojnë Rusisë atë lloj garancie për Ukrainën që dëshiron Putini, duke përmendur parimin e NATO-s se anëtarësimi është i hapur për çdo vend që kualifikohet. Ata ranë megjithatë dakord të nisin bisedimet e sigurisë me Rusinë muajin e ardhshëm për të diskutuar shqetësimet e saj. Putin tha se takimi me SHBA-në do të mbahet në Gjenevë. Paralelisht, negociata do të zhvillohen mes Rusisë dhe NATO-s dhe priten diskutime më të gjera nën kujdesin e Organizatës për Sigurinë dhe Bashkëpunimin në Europë.
Top Channel
