Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Ovidio Guzman Lopez, i biri i lordit famëkeq të drogave El Chapo, besohet se ka urdhëruar vrasjen e një këngëtari të famshëm meksikan që refuzoi të lunte në ditën e tij të dasmës.
Djali i ‘El Chapo‘ akuzohet se ka urdhëruar vrasjen e këngëtarit të njohur por të paemëruar për të cilën autoritetet thonë se nuk arriti të kryhej.
Gjatë viteve ka pasur zhurma të shumta për artistë të lidhur me botën e krimit, që merrnin pjesë në evenet e organizuara nga trafikantët.
El Chapo është duke kryer dënimin me burg të përjetshëm në Colorado, SHBA, me akuza vrasjeje, trafik drogash, pastrim parash, organizatë mafioze e krim të organizuar.
Autoritetet amerikane po hetojnë tashmë katër fëmijët e tij duke përfshirë dhe Ovidio, i njohur ndryshe si ‘El Raton’ (Miu), që është një anëtar i lartë i kartelit Sinaloa.
Vëllezërit e tij Ivan Archivaldo Guzman Salazar, Jesus Alfredo Guzman Salazar e Joaquin Guzman Lopez janë mes 25 të kërkuarve nga SHBA për trafik të drogave të opiumit sintetik si metamfetamina.
Përveç urdhërimit të vrasjes së këngëtarit, Ovidio ka urdhëruar vrasjen e një informatori dhe të tjetër trafikanti, thonë autoritetet në SHBA.
Ovidio ishte arrestuar në qytetin e tij të lindjes Culiacan në 2019 por nuk qëndroi shumë në qeli. Ai u lirua pasi banditët kërcënuan me masakra të civilëve në kundërpërgjigje të arrestimit.
SHBA aktualisht ofron $5 milionë për informacione që çojnë në arrestimin e vellezerve.
Top Channel
