“Është çmenduri të rrish në ndërtim në Greqi dhe të mos vish këtu”, Rama: Po përgatitemi të hapim një dritare për emigrantët 16/11 14:06
Julian Meço, anëtar i komisionit të votimit për referendum në Lushnjë denoncon mungesën e mbi 300 emrave të anëtarëve të Partisë Demokratike në listat për votim.
Shumica e tyre po votojnë në lista të veçanta, duke shënuar emrin dhe numrin e kartës së anëtarësisë, të cilën e disponojnë që në vitin 1992. Ndërkohë prerjet e reja të kartave të anëtarësisë i kanë me firmën e Lulzim Bashës.
Në orën 08:00 ka nisur votimi në referendumin e thirrur nga Berisha për shkarkimin e Lulzim Bashës. Komisioni i Organizimit dhe Kontrollit të Operacioneve Elektorale njoftoi se materialet zgjedhore janë shpërndarë dhe administruar nga të gjitha komisionet përkatëse në të 106 Qendrat e Votimit në të gjithë vendin. Procesi i votimit ka filluar në të gjitha qendrat dhe po vazhdon i qetë.
Nga selia blu është njoftuar për një tjetër Kuvend Kombëtar, këtë herë të thirrur nga Lulzim Basha. Kuvendi i sotëm ka si moto se PD zgjedh të ardhmen dhe Shqipërinë.
Fokusi i demokratëve në këtë Kuvend do të jetë në tre drejtime kyçe, sipas agjendës së publikuar mesditën e 17 dhjetorit, nga PD-ja.
Zhvillimet brenda PD u tensionuan pasi SHBA përcaktuan ish kryeministrin Sali Berisha dhe familjen e tij si person të papërshtatshëm për të vizituar për shkak të korrupsionit domethënës dhe dëmtimit të demokracisë prej tij dhe aleatëve të tij.
Edhe pse Berisha deklaroi se u dorëhoq dhe u tërhoq nga politika pas humbjes së zgjedhjeve në 2013, Basha e përfshiu atë në listën e deputetëve edhe në zgjedhjet e 2017 dhe në listën e deputetëve të këtij viti, por vendosi ta përjashtojë nga grupi parlamentar pasi u shpall non grata nga SHBA.
Ky përjashtim nga grupi acaroi marrëdhëniet midis tyre, edhe pse zoti Berisha deklaroi se do të mbrohej personalisht para një gjykate franceze ndaj përcaktimit të SHBA-ve për korrupsion.
Top Channel
