Një 80-vjeçar ka humbur jetën, pasi është përplasur nga një mjet. Ngjarja e rëndë raportohet të ketë ndodhur në fshatin Ganjoll, në Shkodër.
“Më datë 11.12.2021, rreth orës 16:40, në aksin rrugor Shkodër – Velipojë, në vendin e quajtur fshati Trush, një automjet me drejtues shtetasin V. J., 41 vjeç, banues në fshatin Ganjoll, Shkodër, ka aksidentuar shtetasin këmbësor H. F., 80 vjeç, banues në fshatin Trush, Shkodër. Si pasojë e përplasjes shtetasi H. F., ka ndërruar jetë”, njofton policia.
Ndërkohë 41-vjeçari, drejtues i automjetit është shoqëruar në ambientet e Policisë, për veprime të mëtejshme.
Grupi hetimor vijon punën për sqarimin e rrethanave të aksidentit.
Top Channel
