Shqiptari që mbyti gruan mëngjesin e së dielës, në Lakonia të Greqisë, është shfaqur i penduar përpara gjykatës.
40-vjeçari u shpreh se ishte penduar për veprimin e tij dhe pretendoi se ka humbur kontrollin kur 36-vjeçarja Elona, sipas tij e ka sharë duke i thënë se do të merrte fëmijët dhe do të largohej, shkruajnë mediat greke.
“Nuk duroj që një grua të më shajë”, mësohet se ka thënë autori. “Isha i inatosur kur ajo më ofendoi, e kapa prej fyti dhe e mbyta. U turbullova dhe e mbyta kur më shau nënën time” mësohet të jetë shprehur ai gjithashtu.
Ngjarja e rëndë ndodhi brenda shtëpisë së çiftit shqiptar nga Elbasani, teksa fëmijët ishin duke fjetur në dhomën tjetër.
Fëmijët e mitur ende nuk janë në dijeni se nëna e tyre nuk jeton më dhe vrasësi i saj është babai i tyre. Ata janë marrë nga vëllai i viktimës, praktikisht daja i tyre dhe do jenë psikologët ata që do ia thonë lajmin e trishtë.
Top Channel
