Reshjet e shiut që kanë rënë gjatë natës nuk kanë sjellë asnjë problem për qytetin e Vlorës, por dhe për rrethin e saj. Në këto momente shiu në qytetin e Vlorës ka pushuar.
Në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj për ditën e sotme, mësohet se do të jetë në drejtimin JUG-JUGPERENDIM në forcën 4-5bft 08-10m/s brenda gjirit të Vlorës dhe jashtë gjirit të Vlorës në forcën 6-7bft 10-17m/s me lartësi dallge nga 1.50 deri 2.50 metra.
Përmirësimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë në datën 06.12.2021/16:00.
Moti i keq ka sjellë probleme në Durrës ku shumica e rrugëve të qytetit janë zgjuar të përmbytura, ndërsa rënie të inerteve dhe gurëve nëpër rrugë ka pasur edhe në disa akse të qytetit të Elbasanit. Falë ndërhyrjes së ARRSH rrugët janë pastruar dhe janë hapur për qarkullimin e lirë dhe pa problem të mjeteve.
Top Channel
