Gjirokastër – Një 22-vjeçar, i identifikuar me inicialet A.B., banues në Tiranë u arrestua nga policia e Gjirokastrës pasi u kap me 7 doza me lëndë të dyshuar narkotike cannabis sattiva.
Ndërsa një 30-vjeçar i identifikuar si H. Ç., banues në Gjirokastër, u vu në pranga pasi nga kontrolli i ushtruar në automjetin e tij u gjet dhe u sekuestrua në cilësinë e provës materiale një dozë me lëndë të dyshuar narkotike kokainë.
Nga shërbimet e Komisariatit të Policisë Tepelenë u arrestua në flagrancë shtetasi i huaj M. M., 30 vjeç, banues në Marok. Ai u arrestua pasi në fshatin Vasjar, Memaliaj ka vjedhur automjetin tip “Mitsubishi” në të shtetasit E. Ll.
Gjithashtu rezultoi se shtetasi maroken po drejtonte automjetin e vjedhur në gjendje të dehur.
Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.
Top Channel
