Një aksident ka ndodhur sot në vendin e quajtur Jonufer-Vlorë, ku si pasojë e përplasjes së dy makinave kanë mbetur të plagosur dy drejtuesit e mjeteve dhe pasagjerja që ndodhej tek automjeti tip “Benz”.
Policia njofton se të plagosurit janë transportuar në spitalin e Vlorës dhe ndodhen jashtë rrezikut për jetën.
“Më datë 26.11.2021, në vendin e quajtur Jonufer-Vlorë, një automjet tip “Audi” me drejtues shtetasin G.Ll., 27 vjeç, banues në Vlorë, është përplasur me një automjet tip “Benz” me drejtues shtetasin K.J., 59 vjeç, banues në Himarë.
Si pasojë janë dëmtuar të dy drejtuesit e mjeteve dhe pasagjerja që ndodhej tek automjeti tip “Benz”, të cilët janë transportuar në spitalin e Vlorës dhe ndodhen jashtë rrezikut për jetën”, bën me dije policia.
Grupi hetimor është në vendngjarje dhe po punon për sqarimin e rrethanave dhe shkakut të aksidentit.
Top Channel
