Një autobus me nxënës është sulmuar me armë këtë të premte në Gllogjan të Deçanit në Kosovë.
Tre persona kanë mbetur të vdekur, mes tyre shoferi i autobusit dhe dy nxënës rreth 18 vjeç.
Emrat e viktimave sipas të dhënave paraprake janë shoferi Gani Gjokaj dhe nxënësit Ledjon Hamazi e Ledjana Mustafaj
Zëdhënësi i Prokurorisë Themelore në Pejë, Shkodra Nikçi ka konfirmuar për Top Channel se 3 persona kane humbur jetën dhe një tjetër është plagosur si pasojë e të shtënave me armë zjarri.
Ai tha se prokurori ka dalë në vendin e ngjarjes dhe pas marrjes së informacioneve mediat do të njoftohen.
Familjarët janë parë të traumatizuar në spitalin e Pejës duke pritur informacion për gjendjen e të afërmve të tyre.
Top Channel
