Ish-drejtori i Përgjithshëm i Policisë së Shtetit, Ardi Veliu është emëruar në postin e zv. ministrit të Infrastrukturës dhe Energjisë.
Vendimi u mor sot gjatë mbledhjes së Këshillit të Ministrave.
Ardi Veliu u lirua nga posti i Drejtorit të Përgjithshëm të Policisë së Shtetit në 5 tetor të këtij viti, 4 vite pas marrjes së detyrës, duke mos e përfunduar mandatin 5-vjeçar në këtë post.
Me anë të një letre që u bë publike nga kryeministri Rama, Veliu tregonte arsyet e largimit, ku kryesorja ishte përkushtimi i familjes.
“Ne këto moment kam vendosur të mos kërkoj një mandat tjetër dhe t’ju ofroj dorëheqjen time për t’u përkushtuar më shumë familjes dhe fëmijëve që tani janë ne një moshë delikate e të cilëve ju kam munguar pafund këto katër vite”, argumentoi Veliu.
Top Channel
