Policia e Pogradecit ka çuar në pranga dy persona, pasi janë konstatuar nga shërbimet e policisë në fshatin Çezmë, me dy mjete kamion tip “Benz”, duke transportuar secili nga 15 m sterë dru zjarri pa leje.
Si rezultat në cilësinë e provës materiale janë sekuestruar 30 m sterë dru zjarri pa leje dhe 2 automjetet që shërbenin për t’i transportuar.
“Specialistët për Hetimin e Krimeve në Komisariatin e Policisë Pogradec, në kuadër e zbatim të planit të masave për parandalimin dhe goditjen e krimeve mjedisore, goditën dy raste të tjera si rezultat i të cilit u bë arrestimi në flagrancë i shtetasve S. M., 38 vjeç, banues në fshatin Memlisht, Pogradec dhe M. Sh., 30 vjeç, banues në fshatin Stropckë, Pogradec, pasi këta shtetas janë konstatuar nga shërbimet e policisë në fshatin Çezmë, Pogradec, me dy mjete kamion tip “Benz”, duke transportuar secili nga 15 m sterë dru zjarri pa leje”, njofton policia.
Materialet i kaluan Prokurorisë pranë Gjykatës së Shkallës së Parë Pogradec për veprën penale “Prerja e paligjshme e pyjeve”.
Top Channel
