Dasma si në filma! Nusja dhe 2 mijë të ftuarit e prisnin në kishë, dhëndrit i vihen prangat bashkë me të ëmën (Detaje) 24/11 19:15
Autoritetet polake njoftuan se kanë ndaluar me qindra azilkërkues që kërkonin të hynin ilegalisht në vend nga Bjellorusia.
Varshava e akuzoi Minskun se po përpiqet të shkaktojë një konflikt madhor në kufi, ku janë duke u mbledhur gradualisht me mijëra vetë.
Zëdhënësi i forcave polake të sigurisë, Stanislaw Zaryn foli për një përpjekje të koordinuar të refugjatëve për të kaluar në tokën polake, e cila sipas tij, kontrollohet nga forcat bjelloruse.
Pamjet filmike në mediat vendase tregojnë sesi njerëzit përdorin shkopinj e degë pemësh për të kaluar gardhin kufitar, ndërkohë që helikopterët e policisë fluturojnë mbi kokat e tyre.”
Bjellorusia dëshiron të shkaktojë një incident të madh, mundësisht me të shtëna dhe viktima”, deklaroi hapur zëvendësministri i Jashtëm polak, Piotr Wawrzyk, ndërsa shtoi se autoritetet janë “të përgatitura për të mbrojtur kufirin polak”.
Bashkimin Europian e ka akuzuar prej disa kohësh Bjellorusinë se po përpiqet t`i inkurajojë emigrantët nga Lindja e Mesmdhe dhe Afrika të kalojnë përmes saj drejt vendeve të Bashkimit Europian.
Kjo për Brukselin, është thjesht një formë shpagimi ndaj sanksioneve që perëndimit vendosi mbi regjimin e presidentit Aleksandër Lukashenko, pas shtypjes që ai i bëri opozitës dhe abuzimeve me të drejtat e njeriut.
Top Channel
