Policia e Mirditës ka sekuestruar 2 kg e 140 gramë kanabis dhe ka vënë nën pranga poseduesin.
Bazuar në informacionet e marra se një shtetas posedonte lëndë narkotike në banesë, policia organizoi punën dhe pas kontrollit të ushtruar në banesën e shtetasit N.D., në fshatin Velë, Mirditë, gjetën dhe sekuestruan 2 kilogramë lëndë narkotike të dyshuar cannabis sativa.
Në vijim të veprimeve, specialistët e Seksionit për Hetimin e Narkotikëve në DVP Lezhë arrestuan në flagrancë të shtetasit N.D., 62 vjeç, banues në fshatin Velë, Mirditë.
Materialet iu referuan Prokurorisë pranë Gjykatës së Shkallës së Parë Lezhë, për veprën penale “Prodhimi dhe shitja e narkotikëve ”.
Top Channel
