I vënë në kërkim të të birit , ky është Fejzi Ngucaj në një nga odisetë e tij mes policisë së Vlorës dhe drejtësisë që synon gjetjen gjallë apo vdekur të Ermalit.
40 vjeçari nga Lepenica u zhduk tetorin e 2020 dhe gjurma e vetme është automjeti i braktisur në fshatin Mavrovë.
Por asnjë nga familjarët e Ermalit nuk di të tregoje se çfarë ndryshoi në rutinën e tij që solli rrëmbimin apo zhdukjen e tij.
Personi i fundit që e takoi 40 vjeçarin është një shok që Ermali e la në Vlorë dhe mandej dyshohet se u zhduk fshatrave të Labërisë.
Por këto janë vetëm dyshime, hetuesit ende s’kanë një përgjigje për fatin e tij , ndonëse familja nuk ka kursyer letrat edhe në adresë të SPAK.
Top Channel
