Rusia kryen sulm masiv ndaj sektorit të energjisë të Ukrainës 28/11 09:04
Mijëra vetë protestuan sot në Sudan, kundër një grushti shteti ushtarak që rrezikon tranzicionin e vendit drejt demokracisë.
Grupet pro-demokracisë kishin bërë thirrje për protesta masive në të gjithë vendin për të nxitur kërkesat për rivendosjen e një qeverie të rrëzuar të përkohshme dhe lirimin nga burgu të figurave të larta politike.
Sipas njoftimeve forcat e sigurisë qëlluan për vdekje dy protestues.
Më herët Sekretari amerikan i Shtetit Antony Blinken tha se forcat e sigurisë së Sudanit duhet të respektojnë të drejtat e njeriut dhe se çdo akt dhune kundër demonstruesve paqësorë është “i papranueshëm”.
Në një postim në Twitter zoti Blinken shkruante se Shtetet e Bashkuara do të vazhdojnë të qëndrojnë me “popullin e Sudanit në luftën e tyre paqësore, për demokraci”.
Përfaqësuesi i posaçëm i Mbretërisë së Bashkuar për Sudanin dhe Sudanin e Jugut, Robert Fairweather tha gjithashtu të shtunën se forcat e sigurisë duhet të respektojnë të drejtën e popullit sudanez për të protestuar.
Kundërshtarët e një grusht shteti ushtarak në Sudan kanë bërë thirrje për protesta mbarëkombëtare të shtunën për të kërkuar rivendosjen e një qeverie civile, për ta kthyer vendin në rrugën drejt demokracisë pas disa dekadash sundimi autoritar./ VOA
Top Channel
