Avioni me 181 pasagjerë përplaset me gardhin në aeroportin në Korenë e Jugut, dhjetëra të plagosur 29/12 02:13
Platforma më e madhe e komunikimit në botë Facebook tani më do të quhet Meta.
Ndryshimi i emrit të gjigantit Facebook vjen pasi kompania po përballet me kritika nga ligjvënësit dhe rregullatorët mbi fuqinë e saj në treg, vendimet e saj algoritmike dhe rregullat për abuzimet në platformat e saj.
Mark Zuckerberg, ceo i Facebook tha se emri i ri, Meta, pasqyronte fokusin e tij në ndërtimin e të ashtëquajturës metaverse.
“Kam menduar shumë për identitetin tonë ndërsa fillojmë këtë kapitull tjetër. Facebook është një nga produktet më të përdorura në historinë e botës,” tha Zuckerberg.
“Është një markë ikonë e mediave sociale, por gjithnjë e më shumë thjesht nuk përfshin gjithçka që bëjmë. Sot ne shihemi si një kompani e mediave sociale,” shtoi ai, “por në ADN-në tonë, ne jemi një kompani që ndërton teknologji për të lidhur njerëzit. Dhe metaverse është kufiri tjetër, ashtu si ishte rrjetet sociale kur filluam. ”
Metaverse,i referohet gjerësisht idesë së një mjedisi virtual të përbashkët, i cili mund të aksesohet nga njerëz që përdorin pajisje të ndryshme.
Facebook shfaqi një seri video konceptesh që theksonin vizionin e tij për metaverse, të tilla si dërgimi i një imazhi holografik të vetes në një koncert me një mik që merr pjesë në jetën reale.
Top Channel
