Biden nuk ndalet, presidenti i SHBA-së dërgon 2.5 miliardë dollarë ndihma të reja ushtarake për Ukrainën
30/12 15:24
Komisioni Hetimor per zgjedhjet e 25 prillit nisi zyrtarisht punën mes debatesh mazhorancë-opozitë.
Pika më e rëndësishme e mbledhjes ishte thirrja e dëshmitarëve. Demokratët bene publike një liste me 24 emra, ku mes tyre ra në sy, thirrja për të dëshmuar në Kuvend e Kryeministrit Edi Rama, zv kryeministrit Arben Ahmetaj, kreut te SPAK Arben Kraja dhe Prokurorit te Përgjithshëm Olsian Cela.
Mazhoranca shprehu mosdakordësinë e saj duke kërkuar korrigjim te listës në mbledhjen e ardhme. Palët u përplasën edhe per rregulloren e brendshme te Komisionit, miratimi i te cilit u shty per javën e tjetër. Paralelisht me punimet e Kuvendit, KQZ vijoi me hetimin e rezultatit zgjedhor te 25 Prillit duke hapur ne total 81 kuti votimi nga 519 te tilla.
Administrata e KQZ që po verifikon fletët e votimit ka konstatuar vetem gabime njerëzore nga ana e komisionereve partiak pasi gabimet e vetme që janë vërejtur është hedhja gabim në tabelën përfundimtare te rezultatit i një numri te pa konsiderueshëm votash, qe nuk cenojnë procesin.
Lista e personave që do të thirren për të dëshmuar
Edi Rama- Kryeministër
Arben Ahmetaj – Zv/kryeministër dhe ministër për Rindërtimin
Bledi Çuçi- Ministër i Brendshëm
Belinda Balluku – Ministre Infrastrukture
Ogerta Manastirliu- Ministrja e Shëndetësisë
Emirjana Sako- Kryetarë e Bashkisë së Durrësit
Erion Veliaj- Kryetar i Bashkisë së Tiranës
Arben Kraja- Kreu i SPAK
Olsian Çela- Kreu i Prokurorisë së Përgjithshme
Ardi Veliu- Ish-drejtor i Policisë së Shtetit
Gledis Nano- Drejtor i Policisë së Shtetit
Artan Lame – Kreu i Kadastrës
Lindita Karçanaj – Kreu i AKSHI-t
Shkëlqim Hajdari- Inspektor i Përgjithshëm i Inspektoratit
Rejda Kashta – Drejtoreshë e Agjencisë së Prokurorimeve Publike
Sokol Zaimi – Drejtor i Rezervave Materiale të Shtetit
Bledar Doracaj- Drejtor i Gjendjes Civile
Albana Koçiu – Drejtoreshë e Departamentit të Administratës Publike
Adrian Çela – Administrator i OSHEE
Laert Duraj – Ish-drejtor i Postës Shqiptare
Besnik Dervishi – Komisioner për Mbrojtjen e të Dhënave Personale
Erinda Ballanca – Avokati i Popullit
Armand Shkullaku – Gazetar
Andi Bushati – Gazetar
Top Channel
