“S’ke faj ti që flet anglisht”, Rama- kreut të Këshillit Koordinues të Diasporës: Habitem si i thua ato pak fjalë shqip kur s’ke pasaportën 19/12 10:01
Kryetari i Partisë Demokratike, Lulzim Basha, priti sot Zv. Kryeministren dhe Ministren e Punëve të Jashtme dhe Diasporës të Republikës së Kosovës, Donika Gërvalla.
Basha i shprehu zv. kryeministres Gërvalla urimet ndaj qytetarëve dhe forcave politike për mbajtjen e zgjedhjeve model në Kosovë, një leksion demokracie edhe për Shqipërinë.
Basha dhe Gërvalla ndanë mendime të njëjta mbi rëndësinë që ka dialogu mes Kosovës dhe Serbisë, domosdoshmërinë e moscënimit të integritetit territorial dhe shtetëror të Republikës së Kosovës, unitetin politik me të cilin Kosova duhet të përfaqësohet në këtë dialog. Mbyllja e dialogut me njohje respektive është interesi i gjithë rajonit. Kontributi i pare që BE mund të japë në dialog është të bindë 5 vendet anëtare ta njohin Kosovën.
Kryedemokrati theksoi se Shqipëria nuk mund të ketë interes më të lartë se interesat e Kosovës në marrëdhëniet rajonale. Sikurse kanë treguar zhvillimet e fundit, nisma e Novisadit është konceptuar si makiazh i imazhit të Serbisë, ndërsa Beogradi siç dëshmojnë ngjarjet e këtyre javëve nuk ndahet nga fantazmat e së kaluarës duke risjellë platforma si ajo e Botës Serbe.
Po ashtu u diskutua mbi Luginën e Preshevës, pasivizimin e adresave dhe diskriminimin që u bëhet shqiptarëve. Basha përsëriti qëndrimin e tij, se Shqipëria duhet të mbrojë dhe mbështesë fuqimisht interesat e shqiptarëve në Luginën e Preshevës dhe Serbi.
Top Channel
