Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Nobeli i sivjetshëm i fizikës i shkoi tre shkencëtarëve nga Japonia, Gjermania dhe Italia çmimi për “kontributet e tyre në të kuptuarit tonë të sistemeve komplekse fizike”.
Komiteti tha se Syukuro Manabe, 90 vjeç dhe Klaus Hasselmann, 89 vjeç, u “vendosën bazat e njohurive tona për klimën e Tokës dhe sesi njerëzimi ndikon në të”.
Ndërsa puna studimore e shkencëtarit 73 vjeçar Giorgio Parisi bëri të mundur “kuptimin dhe përshkrimin e shumë fenomeneve që gjejnë zbatim jo vetëm në fizikë por edhe në fusha tjera siç është matematika, biologjia, neuroshkenca dhe inteligjenca artificiale”.
Nobelin e Fizikës një vit më parë e morën tre shkencëtarë për zbulimet e tyre të avansuara në lidhje me vrimat e zeza. Çmimet e tjera te sivjetshme për Kimi, Letërsi, Paqe dhe Ekonomi do të ndahen gjatë ditëve në vazhdim. Fituesit do të ndajnë shpërblimit prej rreth 1.1 milionë dollarë.
Industrialisti suedez Alfred Nobel i themeloi çmimet në testamentin e vet, të shkruar një vit para vdekjes së tij në 1896.
Top Channel
