Drejtoreshës së tënderit të uniformave, Elira Naqellarit nuk i është kthyer telefoni pas sekuestrimit edhe pse ajo bëri kërkesë.
Ajo më parë kishte kërkuar kthimin e sendit.
“Gjykata e posaçme e apelit për korrupsionin dhe krimin e organizuar, bazuar ne nenin 212/2 te k.pr.penale, Vendosi: miratimin e vendimit nr. 274, dt 02.09.2021 te gjykatës se posaçme te shkalles se pare për korrupsionin dhe krimin e organizuar”, sipas njoftimit.
Prokuroria e posaçme SPAK zgjeroi hetimet për tenderin e uniformave të policisë. Përveç nëntë personave ndaj të cilëve u prenë masa sigurimi personal gjate verës, SPAK njoftoi për t’u paraqitur pranë akuzës inxhinieren tekstile Aurora Mulla, sipas ë burimeve për gazetaren e Top Channel, Anila Hoxha.
Burimet bënë të ditur se inxhinierja që refuzoi firmosjen tenderit të dyshimte pritet të pyetet si person nën hetim ditën e nesërme.
Deklarata e saj nuk e ka lehtësuar pozitën e të dyshuarës , që përveç dosjes së sekuestruar nga prokurorët e SPAK konfirmohet edhe nga një dëshmi tjetër.
Edhe anëtari tjetër i komisionit të vlerësimit të ofertave Ylber Pjetërnikaj, do të ripyetet mbasi sipas gazetares Anila Hoxha ai pranon se kishte evidentuar se Bashkimit të Operatorëve i mungonte çertifikata përkatëse për prodhimin këpucëve për efektivët e policisë së shtetit.
Pjeternikaj, ish-kryetar i komisionit të vlerësimit të ofertave sqaron në dëshminë e tij se e kundërshtoi këtë tender nga mungesa e dokumentacionit që duhej të garantonte cilësinë dhe pikërisht nga ky kriter duhej skualifikuar. Sakaq Aurora Mulla ulet para prokurorëve të posaçëm të martën në orën 11 , të cilët shpresojnë të shkojnë më larg se personat që ndaluan, më e rëndësishmja prej tyre Edlira Naqellari me detyre ish drejtoreshë në Ministrinë e Brendshme.
Zyrtarët ku nuk përjashtohen as zyrtarë të policisë si dhe ish-zyrtarë dyshohen të përfshirë në tenderin e uniformave të policisë, një tender që ka shkaktuar dëm ekonomik dhe shkelje në barazinë në tendera.
Policisë së Shtetit i mungojnë gati 239 mijë njësi për artikuj nga uniformat e policisë pavarësisht se ishte rënë dakord që t’i dorëzoheshin gati 726 mijë artikuj siç parashikonte edhe fondi limit dhe ku përfshihen njësi si kapelet , uniforma apo edhe këpucët dimërore, verore dhe këpucët e plazhit për efektivët që patrullojnë në plazh.
Top Channel
