Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Në mesin e viktimave të tragjedisë së avionit në Milano është një sipërmarrës Italian 33 vjeçar, Filippo Nascimbene, dhe djali i tij i vogël Raphael, i lindur në 2020-tën.
Me Nascimbenen në bord ishin dhe bashkëshortja e vjehrra e tij, që të dyja më kombësi franceze. Në vend ka ndërruar jetë po kështu edhe një miliarderi rumun 65 vjeçar, dhe duket se ka qenë pikërisht ai që drejtonte mjetin, i cili ishte në pronësi të tij.
Dan Petrescu konsiderohej një prej njerëzve më të pasur të Rumanisë. Petrescu kishte dyshtetësi rumune dhe gjermane dhe ishte një prej investitorëve kryesorë në sektorin imobiliar në Itali.
Zotëronte një numër të madh ndërtesash në shtetin fqinj e zinxhirë të rëndësishëm komercialë, si supermarketet Metro e Real. Partner i të famshmit Ion Tiriac, pasuria e tij llogaritej në më shumë se 3 miliardë euro.
Mes viktimave është edhe gruaja e tij si dhe djali, Dan Stefan Petrescu, 30 vjec. Miliarderi po shkonte me familjen dhe të ftuarit në vilën e tij në Olbia, ku e e priste e ëma 98 vjece. Në tragjedi, humbi jetën dhe miku i tij 36 vjeçar nga Kanadaja, Julien Brossard.
Top Channel
