Protesta e opozitës, Berisha nxjerr videon: Qytetarët u spërkatën me lëndë djegëse 26/11 20:56
Deputetja e Partisë Demokratike, Jorida Tabaku përmes një shënimi në facebook thotë se Shqipëria ka numrin më të lartë të azilkërkuesve në Europë, duke rrezikuar kështu një nga pikat e vendosura nga BE për çeljen e negociatave.
Tabaku thekson se sot numërohen mbi 200 mijë shqiptarë që kanë ikur nga vendi në 8 vjet, ndërsa shton se tashmë ka ardhur koha që realiteti të ndryshojë dhe policia të pranojë për qytetarët.
Postimi i plotë:
Kemi numrin më të lartë të azilkërkuesve në Europë duke rrezikuar edhe një nga pikat e vendosura nga BE për çeljen e negociatave.
Kriteret e vendosura janë një letër lakmuesi për të kuptuar se sa seriozisht e ka qeveria jonë procesin e integrimit.
Por sot numërohen mbi 200 mijë shqiptarë që kanë ikur nga vendi në 8 vjet. Nuk shohin të ardhmen këtu, nuk besojnë më tek një qeveri që punon për veten dhe varfëron shqiptarët.
Ka ardhur koha të ndryshojmë realitetin! Ka ardhur koha që politika të punojë për qytetarët! Ka ardhur koha që integrimi të jetë kryefjala e përpjekjes sonë për një vend më të mirë dhe pranë familjes Europiane.
Top Channel
