Tre persona janë arrestuar nga policia e Korçës për vepra të ndryshme penale.
Një 33-vjeçar, i identifikuar me inicialet K.N., banues në Pogradec u vu në pranga sepse gjatë kontrollit fizik të ushtruar, iu gjet dhe sekuestrua në cilësinë e provës materiale një sasi e vogël me lëndë të dyshuar narkotike Cannabis Sativa, të cilën po tentonte që t’a shiste.
Ndërsa një 31-vjeçar i identifikuar me inicialet L.L., banues në fshatin Bishnicë, Pogradec u arrestua sepse po drejtonte mjetin tip “Fiat” në gjendje të dehur në aksin rrugor Pogradec-Qafë Thanë.
Specialistët për Hetimin e Krimeve në Komisariatin e Policisë Korçë, bënë arrestimin në flagrancë për veprën penale “Marrëdhënie seksuale me të mitur” të 26-vjeçarit të identifikuar me inicialet R. K., banues në Korçë, pasi dyshohet se ka kryer marrëdhënie seksuale me një 14-vjeçare.
Një ditë më parë ka ndodhur një ngjarje e rëndë në lagjen nr.4 në Pogradec. Një 74-vjeçar i identifikuar me inicialet N.K., është vetëhedhur nga kati i tretë i banesës ku banonte i vetëm, i cili për pasojë ka gjetur vdekjen.
Materialet i kaluan Prokurorive të Rretheve Gjyqësore Korçë e Pogradec për veprime të mëtejshme.
Top Channel
